ەلباسىنىڭ اپتالىق كەستەسى

پرەزيدەنتتىڭ ءباسپاسوز قىز­مەتى مەملەكەت باسشىسى نۇرسۇلتان نازارباەۆتىڭ قاتى­سۋى­مەن وتەتىن الداعى ءىس-شارا­لار اڭداتپاسى تۋرالى حابارلادى 24 مامىردا قازاقستان پرەزي­دەنتى استانا ەكونوميكالىق فورۋمى اياسىندا ەلىمىزگە حالىقارا­لىق ۆاليۋتا قورى­نىڭ وڭىرلىك كون­فەرەنتسياسىنا قاتىسۋ ءۇشىن كەلەتىن حالىقارالىق ۆاليۋتا قورى­­نىڭ باسقارۋشى ديرەكتورى كريستين لاگاردپەن كەزدەسۋ وتكىزەدى. 25 مامىردا مەملەكەت باسشىسى قازاقستان ەكونوميكاسىنىڭ نەگىزگى دامۋ باعىتتارىن, سونداي-اق, دۇنيەجۇزىلىك ساۋدا ۇيىمىنا مۇشەلىكتىڭ باسىمدىقتارىن پاي­دا­لانۋ جانە ەلىمىزدىڭ حالىق­­ارا­لىق ارەناداعى باستا­ما­لارىن ىلگەرى­لەتۋ قادام­­دارىن تال­قىلاۋ ءۇشىن حالىقارالىق كونسۋل­تاتيۆ­تىك كەڭەس مۇشەلەرى­مەن كەزدەسەدى. 26 مامىردا نۇرسۇلتان نازارباەۆتىڭ IX استانا ەكونومي­كالىق فورۋمىنا قاتىسۋى جانە «استانا» حالىقارالىق قارجى ورتالىعىن با­س­قارۋ جونىندەگى كەڭەستىڭ مۇشەلەرىمەن, سونداي-اق, نوبەل سىي­لى­عى­نىڭ لاۋرەات­تارىمەن, حالىقارالىق ۇيىمدار­دىڭ باس­شى­لارىمەن كەز­دەسۋ وتكىزۋى جوسپارلانعان. 27 مامىردا قازاقستان پرە­زي­دەنتى جانىنداعى شەتەل ين­ۆەستور­لارى كەڭەسىنىڭ كەزەكتى وتى­رى­سىن وتكىزۋ جوسپارلانعان. ونىڭ اياسىن­دا كەڭەس مۇشەلەرى­مەن – ترانسۇلتتىق ءىرى كومپانيا­لار­­دىڭ باسشى­لارى­مەن جەكەلەگەن كەزدەسۋلەر وتەدى.